රුපියලේ අගය තවදුරටත් පහළට

ඇමරිකානු ඩොලරයට සාපේක්ෂව රුපියලේ අගය ඊයේ තවදුරටත් පහත වැටුණා. ශ්‍රී ලංකා මහබැංකුව නිකුත් කළ විනිමය අනුපාතිකයන්ට අනුව ඇමරිකානු ඩොලරයක ගැණුම් මිල ඊයේ සටහන් වූයේ රුපියල් 136.32ක් ලෙසයි. ඩොලරයක විකුණුම් මිල රුපියල් 141.23ක්. මේ අනුව ඩොලරයට සාපේක්ෂව ඊයේ දිනයේ රුපියලේ සාමාන්‍ය අගය සටහන් වූයේ රුපියල් 139.30ත්, 50ත් අතර ප්‍රමාණයකයි. මීට සතියකට පෙර රුපියලේ අගය පැවතුණේ ඩොලරයක් සඳහා රුපියල් 134.75ක් ලෙසයි. රුපියල ශක්තිමත් කරලීම සඳහා මහබැංකුවේ මැදිහත්වීම නතර කිරීමත් සමඟ රුපියලේ අගය මේ වන විට 3%කට වැඩි ප්‍රමාණයකින් පහත වැටී තිබෙනවා.