කංසා අපනයනයට රාජිත සූදානම්

ශ්‍රී ලංකාවේ කංසා වගා කොට අපනයනය කිරීමට පියවර ගන්නා බව සෞඛ්‍ය අමාත්‍ය රාජිත සේනාරත්න පවසනවා.

කොළඹ පැවැති උත්සවයකට එක්වෙමින් අමාත්‍යවරයා ප්‍රකාශ කර අත්තේ ලංකාවේ කංසා වගා කරලා බටහිර රටවලට ඖෂධ නිෂ්පාදනයට අපනයනය කිරීමේ යෝජනාවක් ලැබී ඇති බවයි.

එය ක්‍රියාත්මක කිරීමට තමන්  බලාපොරොත්තු වන බවද ඔහු සදහන් කර තිබෙනවා.

දූපත් මානසිකත්වයෙන් මිදී රටට වැඩ කළ යුතු බවයි අමාත්‍යවරයාගේ අදහස වන්නේ.  

කිසිඳු විද්‍යාවකට තාක්ෂණය මඟහැර යා නොහැකි බවත් පාරම්පරික වෛද්‍ය විද්‍යාව සඳහා නවීන තාක්ෂණය යොදා ගත යුතු බවත් රාජීත සේනාරත්න පවසනවා.

දේශීය ආයුර්වේද වෛද්‍ය ප්‍රතිකාර සඳහා ඖෂධ පෙති නිෂ්පාදනය ආරම්භ කළ යුතු බව ඔහු සදහන් කලා.  

"පසුගිය කාලයේ ආයුර්වේද ඖෂධ නිෂ්පාදන සඳහා අබිං හිඟයක් තිබුණාල එම අබිං ඉන්දියාවෙන් අපනයනය කරන්න පියවර ගත්තාග ඒ නිසයි කංසා වැවීමට අවශ්‍යයි කියලා මම ප්‍රකාශ කළේ."

ඇතැම් රෝග සඳහා බටහිර වෛද්‍ය විද්‍යාව සතුව නොමැති ඖෂධ පාරම්පරික ආයුර්වේද වෛද්‍ය විද්‍යාවේ තිබෙන බවත් අමාත්‍යවරයා වැඩිදුරටත් සඳහන් කළේ.

වර්තමානය වන විට ලොව රටවල් කීපයක්ම කංසා වෙළඳාම සහ භාවිතය සම්බන්ධයෙන් පවතින නීති ලිහිල් කිරීමට කටයුතු කොට තිබේ.