Update: ඇවන්ගාඩ් කපිතාන් රිමාන්ඩ්

නීතිවිරෝධී අවි ගණුදෙනු සම්බන්ධයෙන් චෝදනා එල්ල වූ ඇවන්ගාඩ් නෞකාවේ කපිතාන් යුක්රේන ජාතික ග්‍රෙනාඩ්ලි ගැව්රිලොෆ් ලබන මස 5 වනදා දක්වා රක්ෂිත බන්ධනාගාර ගත කර තිබෙනවා.

ඒ සැකකරු අපරාධ පරීක්ෂණ දෙපාර්තමේන්තුව මගින් ඊයේ රාත්‍රියේ අත්අඩංගුවට ගෙන අද උදෑසන ගාල්ල ප්‍රධාන මහේස්ත්‍රාත් නිලූපුලී ලංකාපුර හමුවට ඉදිරිපත් කිරීමෙන් අනතුරුවයි.

පාවෙන අවි ගබඩාවක් වන ඇවන්ගාඩ් නෞකාව පසුගිය වසරේ ගාල්ල වරාය ආසන්නයේදී නාවික හමුදා මගින් අත්අඩංගුවට ගත් අතර පසුව එහි තිබූ ආයුධ පිළිබදව පරීක්ෂණයක් සිදුකෙරුණා.


Thursday, 24 June 2016 - 10.53
------------------------------------------------------------------------------

නීතිවිරෝධී අවි ගණුදෙනු සම්බන්ධයෙන් චෝදනා එල්ල වූ ඇවන්ගාඩ් නෞකාවේ කපිතාන්වරයා අපරාධ පරීක්ෂණ දෙපාර්තමේන්තුව මගින් ඊයේ රාත්‍රියේ අත්අඩංගුවට ගෙන තිබෙනවා.

ගාල්ලේදී අත්අඩංගුවට ගත් ඔහු යුක්රේන ජාතිකයෙකු වන අතර, වැඩිදුර පරීක්ෂණ සදහා ගාල්ල වරාය පොලිසියට භාරදී ඇති බවයි වාර්තා වන්නේ.

ඇවන්ගාඩ් නොෟකාවේ කපිතාන්වරයා අත්අඩංගුවට ගත් බව රහස් පොලිසිය ද සනාථ කළා.

නීති විරෝධීන්‍ ගිනි අවි ශ්‍රී ලංකාවට ආනයනය කිරීම සහ නිත්‍යානුකුල බලපත්‍ර නොමැතිව ගිනි අවි සන්තකයේ තබා ගැනීම / බලපත්‍රයක් නොමැතිව පුපුරණ ද්‍රව්‍ය සන්තකයේ තබා ගැනීම යන චෝදනා යටතේයි ඔහු අත්අඩංගුවට ගෙන ඇත්තේ.

පාවෙන අවි ගබඩාවක් වන ඇවන්ගාඩ් නෞකාව පසුගිය වසරේ ගාල්ල වරාය ආසන්නයේදී නාවික හමුදා මගින් අත්අඩංගුවට ගත් අතර පසුව එහි තිබූ ආයුධ පිළිබදව පරීක්ෂණයක් සිදුකෙරුණා.

සැකකරු අද ගාල්ල මහේස්ත්‍රාත් අධිකරණයට ඉදිරිපත් කිරීමට නියමතයි.

අපරාධ පරීක්ෂණ දෙපාර්තමේන්තුවයි විමර්ශණ මෙහෙයවන්නේ.