කිලිනොච්චියේ අනතුරකින් 04කට තුවාල (ඡායාරූප)

ඒ 09 මාර්ගයේ කිලිනොච්චිය - කන්දසාමි කෝවිල ආසන්නයේ සිදුවූ රිය අනතුරකින් පුද්ගලයින් සිව් දෙනෙකු තුවාල ලබා රෝහල් ගත කර තිබෙනවා.

කිලිනොච්චි සිට මුලතිව් දක්වා ගමන් ගත් බස් රථයක් සහ ඊට ඉදිරියෙන් පැමිණි ජිප් රථයක් මුහුණට මුහුණ ගැටීමෙන් මෙම අනතුර ඊයේ සිදුවී ඇති බවයි පොලීසිය සඳහන් කළේ.

සිද්ධියෙන් ජීප් රථයේ රියදුරු සහ එහි ගමන් කළ පුද්ගලයින් තුන්දෙනෙකු තුවාල ලබා කිලිනොච්චිය රෝහලට ඇතුළත් කරනු ලැබුවා.

ජීප් රථයේ වේගය පාලනය කර ගැනීමට නොහැකි වීමෙන් මෙම අනතුර සිදුවී ඇති බවයි පොලීසිය සඳහන් කළේ.  



ඡායාරූප - වන්නි රොමේෂ් මධුසංක