අනුරාධපුර ඝාතන සිද්ධියට මෙතෙක් කිසිවෙකුත් අත්අඩංගුවට ගෙන නැහැ

අනුරාධපුර - වන්නියන්කුලම් ප්‍රදේශයේදී පෙරේදා තුන්දරු පියෙකු තියුණු ආයුධයකින් පහරදී ඝාතනය කළ සිද්ධියට මෙතෙක් කිසිවෙකුත් අත්අඩංගුවට ගෙන නැහැ.

කෙසේ වෙතත්, මියගිය සුජීව ප්‍රසන්න කුමාරගේ බිරිඳ පවසන්නේ තම දරුවන් තුන්දෙනාට මේ වනවිට මරණ තර්ජන එල්ල වී ඇති බවයි.

කෙසේ වෙතත් පොලීසිය පැවසුවේ දෙපාර්ශවය අතර පැවති ආරවුලක් දුරදිග ගොස් මෙම ඝාතනය සිදුව ඇති බවයි.

ඝාතනයට ලක්වූ පුද්ගලයාගේ පුතු දැරියක අපයෝජනය කිරීමේ සිද්ධියට අදාළ සැකකරුවෙකු බව ද උතුරුමැද පළාත භාර උසස් පොලිස් නිලධාරියෙකු කියා සිටියා.

පොලිස් කණ්ඩායම් 4 ක් මේ වනවිට සිද්ධිය සම්බන්ධයෙන් විමර්ශන සිදුකරනවා.