‘‘ආවා’’ ගැන කියන්න දුරකථන අංකයක්

ආවා ඇතුලූ විවිධ කණ්ඩායම්වලින් උතුරේ ඇතැම් ප්‍රදේශවල සිදුකරන අපරාධ සම්බන්ධයෙන් තොරතුරු ලබාදීමට විශේෂ දුරකථන අංකයක් හඳුන්වාදී තිබෙනවා.

ඒ, උතුර පළාත් ජ්‍යෙෂ්ඨ නියෝජ්‍ය පොලිස්පති කාර්යාලය විසින්.

ඒ අනුව 076 60 93 030 යන දුරකථන අංකය අමතා මෙම තොරතුරු ලබාදිය හැකි බවයි පොලීසිය පවසන්නේ.

එවැනි තොරතුරු සම්බන්ධයෙන් උතුර පළාත් භාර ජ්‍යෙෂ්ඨ නියෝජ්‍ය පොලිස්පති රොෂාන් ප්‍රනාන්දුගේ පූර්ණ අධීක්ෂණය යටතේ පරීක්ෂණ සිදුවනවා.

ලබාදෙන තොරතුරුවල රහස්‍ය භාවය උපරිමව ආරක්ෂා කිරීම මෙන්ම කඩිනම් ක්‍රියාමාර්ග ගැනීමද සිදුවන බවයි ජ්‍යෙෂ්ඨ නියෝජ්‍ය පොලිස්පතිවරයා අප කළ විමසීමකදී කියා සිටියේ.

උතුර පළාතේ චුන්නාකම් සහ කෝපායි යන පොලිස් බල ප්‍රදේශ සම්බන්ධයෙන් මෙහිදී වැඩි අවධානයක් යොමුකර තිබෙනවා.