දිනකට පැය 04 ක විදුලිය කැපේ - ඉරිදාට වෙනසක් නැහැ

අධික විදුලිය ඉල්ලූම සහ පවතින වියළි කාලගුණ තත්ත්වය හමුවේ දිවයිනේ සියළුම ප්‍රදේශවලට දිනකට පැය 4ක විදුලි කප්පාදුවක් සිදුකරන බව විදුලි ඉංජිනේරු සංගමය පවසනවා.

ඒ අනුව දිවා කාලයේ පැය 3ක් සහ රාත්‍රී කාලයේ පැයක් බැගින් විදුලි කප්පාදුවක් සිදුවනු ඇති.

දිවා කාලයේදී පෙරවරු 8.30 සිට පෙරවරු 11.30 දක්වාත්, පෙරවරු 11.30 සිට පස්වරු 2.30 දක්වාත්, පස්වරු 2.30 සිට පස්වරු 5.30 දක්වාත් ඒ ඒ ප්‍රදේශයන්ට විදුලිය විසන්ධි වන බවයි විදුලි ඉංජිනේරු සංගමය ප්‍රකාශ කළේ.

මීට අමතරව රාත්‍රී කාලයේදී පස්වරු 6 සිට පස්වරු 7 දක්වාත්, පස්වරු 7 සිට 8 දක්වාත්, පස්වරු 8 සිට පස්වරු 9 දක්වාත්, පස්වරු 9 සිට පස්වරු 10 දක්වාත් පැයක කාලයක් විදුලිය විසන්ධි කෙරෙනු ඇති.

මේ අතර, ඉරිදා දිනයේදී විදුලි කප්පාදුවක් සිදුනොකිරීමට බලධාරීන් තීරණය කර තිබෙනවා.

කෙසේ වෙතත්, සෙනසුරාදා දිනයේදී පැය දෙකයි විනාඩි 15ක කාලයක් විදුලිය කප්පාදු කෙරෙනු ඇති.

ඒ අනුව පෙරවරු 8.30 සිට 10.45 දක්වාත්, පෙරවරු 10.45 සිට පස්වරු 1 දක්වාත්, පස්වරු 1 සිට පස්වරු 3.15 දක්වාත්, පස්වරු 3.15 සිට පස්වරු 5.30 දක්වාත් විදුලිය විසන්ධි කෙරෙන බවයි ඉංජිනේරු සංගමය සඳහන් කළේ.

මෑත කාලයේදී මෙරට විදුලි කප්පාදුව පිළිබදව කතාබහක් ඇති වූයේ නොරොච්චෝලේ තාප බලාගාරයේ ජනන යන්ත්‍රයක් අක්‍රිය වීමත් සමඟයි. එදින සිට මේ දක්වා කාලය තුළ දිවයිනේ විවිධ ප්‍රදේශවලින් විදුලි විසන්ධිවීම් වාර්තා වනවා.