කොරෝනා වෛරසය පැතිරිය හැකි ප්‍රදේශ ගැන දැනුම් දීමක්

ඉතාලිය ඇතුළු විදේශ රටවල සිට මෙරටට පැමිණි 6000කට අධික පිරිසක් තම නිලධාරීන්ගේ අධීක්ෂණය යටතේ නිවෙස් තුල නිරෝධායනයට ලක් වෙමින් පවතින බව මහජන සෞඛ්‍ය පරීක්ෂකවරුන්ගේ සංගමය පවසනවා.

මාර්තු 05 වනදාට පෙර මෙරටට පැමිණි දෙදහස් පන්සිය හැත්තෑ දෙදෙනෙකු සහ මාර්තු 05 වනදා සිට 10 වනදා දක්වා නිල වශයෙන් තොරතුරු ලබා දී මෙරටට ඇතුළු වූ 3460 දෙනෙකු එලෙස නිරෝධායනයට ලක්වෙමින් සිටින බවයි එහි සභාපති උපුල් රෝහණ සඳහන් කළේ.

පුත්තලම දිස්ත්‍රික්කයේ බොහෝ ප්‍රදේශ, බස්නාහිර පළාතේ කොළඹ දිස්ත්‍රික්කය ඇතුළු බොහෝ ප්‍රදේශ සහ දකුණු පළාතේ ඇතැම් ප්‍රදේශ වෛරසය පැතිර යා හැකි අවධානම් ප්‍රදේශ ලෙස මහජන සෞඛ්‍ය පරීක්ෂකවරුන් මේ වනවිට හඳුනාගෙන ඇති බවයි ඔහු වැඩිදුරටත් කියා සිටියේ.

මේ අතර කොරෝනා වෛරසය පැතිර යාමේ අවධානම හේතුවෙන් දින 14ක කාලයක් තුල ජනතාව එක් රොක් වීම වහා නවතා දැමිය යුතු බව රජයේ ආයුර්වේද වෛද්‍ය නිලධාරීන්ගේ සංගමය පවසනවා.