කොරෝනා ආසදනය වූ තවත් දෙදෙනෙකු හමුවෙයි

මෙරට දී කොරෝනා ආසාදනය වූ තවත් දෙදෙනෙකු මේ වනවිට තහවුරු වී තිබෙනවා.

ඒ අනුව අද දිනයේදී කොරෝනා ආසාදිත රෝගීන් 5 දෙනෙකු වාර්තා වන අතර, මුළු කොරෝනා ආසාදිතයින්ගේ සංඛ්‍යාව ද 122 දක්වා ඉහළ යනු ඇති.

මේ අතර, කොරෝනා වෛරසය පරික්ෂාවට ලක් කරන දිවයිනේ ප්‍රධානතම ආයතනය වන බොරැල්ල වෛද්‍ය පර්යේෂණ ආයතනයේ කටයුතු සොයා බැලීම සදහා සෞඛ්‍ය හා දේශීය වෛද්‍ය අමාත්‍ය පවිත්‍රා වන්නිආරච්චි අද එහි නිරීක්ෂණ චාරිකාවකට එක්වුණා.

දිනකට දැනට පරීක්ෂණ 100 කට ආසන්න සංඛ්‍යාවක් සිදුකරනු ලබන්නේ අවස්ථා 3 කදීයි.

පරීක්ෂණ කටයුතු සිදුකිරීම සදහා වැඩමුර ක්‍රමය යොදා ගෙන ඇති අතර, ඒ සදහා රසායනාගාර කාර්මික විද්‍යාඥයින් 12 දෙනෙකුගේ සේවය ලබා ගෙන තිබෙනවා.

ඒ අනුව, අදාළ කොරෝනා වෛරසය පිළිබදව වාර්තා විශේෂඥ වෛද්‍යවරුන් තිදෙනෙකුගේ අධීක්ෂණය යටතේ සිදුකිරීමෙන් අනතුරුවයි එහ සහතික කොට අදාළ රෝහල් වෙත ලබාදීම සිදුකරනු ලබන්නේ.