කොරෝනා බිලිගත් සිව්වන පුද්ගලයාගේ අවසන් කටයුතු සිදුකෙරේ (වීඩියෝ)

කොවිඩ් 19 ආසාදනයෙන් මියගිය සිව්වන පුද්ගලයාගේ අවසන් කටයුතු අද පස්වරුවේ සිදුකෙරුණා.

58 හැවිරිදි වියේ පසු වූ ඔහු රත්මලාන ප්‍රදේශයේ පදිංචිකරුවෙක්.

රත්මලාන ප්‍රදේශයේ පදිංචිව සිට ඇති අදාළ පුද්ගලයා සහ ඔහුගේ බිරිඳ පසුගිය දිනක ඉන්දියාවේ සංචාරයක නිරත වී මෙරටට පැමිණ ඇත්තේ පසුගිය 10 වැනිදායි.

අදාළ පුද්ගලයාට රෝග ලක්ෂණ මතුවීමෙන් පසු පසුගිය 16 වැනිදා ජාතික බෝවන රෝග විද්‍යායතනයට ඇතුළත් කර තිබෙනවා.

ජාතික බෝවන රෝග විද්‍යායතනයේ දැඩි සත්කාර ඒකකයේ ප්‍රතිකාර ලබමින් සිටි අදාළ පුද්ගලයා නිව්මෝනියා රෝග තත්ත්වය උත්සන්න වීම හේතුවෙන් ඊයේ පස්වරුවේ මියගියා.

ඒ අනුව ඔහුගේ දේහය පිළිබඳ අවසන් කටයුතු අද සිදු කෙරුණු අතර ඔහුගේ සමීප ඥාතීන් දෙදෙනෙකු ඊට එක්වී සිටි බව ගොතටුව පරිපාලන සෞඛ්‍ය පරීක්ෂක නලීන් ෆොන්සේකා මහතා සඳහන් කළා.

ආගමික වතාවත් රෝහලේදීම සිදුකිරීමෙන් අනතුරුව දේහය රෝහලෙන් පිටතට රැගෙන ආවේ පස්වරු 1.10 ට පමණ.

ආදාහන කටයුතු සිදුකෙරුණේ කොටිකාවත්ත, පොදු සුසානභූමියේදී.

දැඩි ආරක්ෂිත ක්‍රමවේද යටතේ එම කටයුතු සිදුකෙරුණා.