VPN හරහා ෆේස්බුක් ගිය අයට අවදානමක්

Saturday, 17 March 2018 - 13:02

VPN+%E0%B7%84%E0%B6%BB%E0%B7%84%E0%B7%8F+%E0%B7%86%E0%B7%9A%E0%B7%83%E0%B7%8A%E0%B6%B6%E0%B7%94%E0%B6%9A%E0%B7%8A+%E0%B6%9C%E0%B7%92%E0%B6%BA+%E0%B6%85%E0%B6%BA%E0%B6%A7+%E0%B6%85%E0%B7%80%E0%B6%AF%E0%B7%8F%E0%B6%B1%E0%B6%B8%E0%B6%9A%E0%B7%8A
සමාජ මාධ්‍ය තහනමට ලක්වූ කාලය තුළ වී.පී.එන්. හෙවත් අතත්‍ය පෞද්ගලික ජාලය මගින් සමාජ මාධ්‍ය භාවිතා කළ පුද්ගලයින්ගේ තොරතුරු අන්සතු වීමට වැඩි ඉඩකඩක් පවතින බව ශ්‍රී ලංකා පරිඝනක හදිසි ප්‍රතිචාර සංසදය පවසනවා.

එම කාලය තුළ හැකර්වරුන් විසින් වී.පී.එන්. යෙදවුම් අන්තර්ජාලයට මුදා හැරීමට වැඩි ඉඩකඩක් පවතින බවයි ඔවුන් පෙන්වා දෙන්නේ.

එවන් ජාලයක් බා ගත කිරීම හරහා සමාජ මාධ්‍ය භාවිතා කළ පුද්ගලයන්ගේ ෆේස්බුක් ගිණුම ඇතුළු සමාජ මාධ්‍යවල මෙන්ම ඔවුන්ගේ ජංගම දුරකථනවල දත්ත සොරකම් කිරීමේ හැකියාව හැකර්වරුන්ට පවතිනවා.

එමෙන්ම ගෙවීමක් සිදුකර පිළිගත් ආයතනයක් මගින් වී.පී.එන් ජාල භාවිතා කළ පුද්ගලයින්ට එවන් අනතුරුදායක තත්ත්වයකට මුහුණදීමට සිදුනොවනු ඇති බව පරිඝනක විශේෂඥයින් පෙන්වා දී තිබෙනවා.

එම නිසා ප්ලේ ස්ටෝර් මගින් වී.පී.එන්. බාගත කර ෆේස්බුක් ඇතුළු සමාජ මාධ්‍ය භාවිතා කළ පුද්ගලයින්ගේ රහස්‍යභාවය පිළිබඳ අනතුරුදායක තත්ත්වයක් මතුව ඇති බවයි ඔවුන් වැඩිදුරටත් කියා සිටියේ.

තමන්ගේ ගිණුම හැකර්වරුන් විසින් ඔවුන්ගේ ග්‍රහණයට හසුකරගෙන තිබේ නම් ඉන් පසු සිදුකළ යුතු ක්‍රියාමාර්ග පිළිබදව ශ්‍රී ලංකා පරිඝනක හදිසි ප්‍රතිචාර සංසදයේ ප්‍රධාන තොරතුරු ආරක්ෂක ඉංජිනේරු රොෂාන් චන්ද්‍රගුප්ත කියා සිටියේ මුරපද වෙනස් කිරීමට නිවැරදි ක්‍රමවේද භාවිතා කරන ලෙසයි.