பாதாள உலக ஆட்சியை முடிவுக்குக் கொண்டுவர வேண்டும் எனவும் அந்த நோக்கத்திற்காக எடுக்கப்பட்ட நடவடிக்கைகளில் இருந்து ஒருபோதும் பின்வாங்காப் போவதில்லை எனவும் ஜனாதிபதி அனுரகுமார திசாநாயக்க தெரிவித்துள்ளார்.

ஆயுதங்களைக் கொண்டு மக்களைச் சுட்டுக் கொல்லக்கூடிய மனநிலை கொண்ட இளைஞர்கள் என ஒரு சமூகம் உருவாக்கப்பட்டுள்ளதாகவும் அந்த சமூகத்தை சீர்படுத்த, பாதாள ஆட்சி முடிவுக்கு வர வேண்டும் எனவும் ஜனாதிபதி குறிப்பிட்டார்.

அதற்காக, ஒரு அரசாங்கமாக நாம் நமது பங்கை மிகவும் வலுவாக நிறைவேற்றுகிறோம்.

ஒரு அரசாங்கத்திற்கு, குறிப்பாக நிறைவேற்று அதிகாரம் கொண்ட ஜனாதிபதிக்கு, வரம்புகள் இல்லை என்றாலும், எங்களுக்கு வரம்புகள் உள்ளன.

எனவே, அவற்றில் சில நடைமுறை வரம்புகளையும், சில சட்ட வரம்புகளையும் கொண்டுள்ளன என்பதை நிரூபிக்க முயற்சிக்கிறோம்.

எனவே, ஒரு அரசாங்கம் என்பது வரம்புகள் இல்லாமல் தாங்கள் விரும்பியதைச் செய்யக்கூடிய இடமல்ல.

மேலும், இலட்சக்கணக்கான இளைஞர்களின் உயிரைப் பறிக்கும் போதைப்பொருள் பேரழிவை முடிவுக்குக் கொண்டுவர ஒரு பாரிய தேசிய செயற்பாட்டை நாம் கட்டியெழுப்ப வேண்டும்.

எனவே, அதற்கு அடிமையானவர்களையும், அதை விற்பனை செய்பவர்களையும் அதை விட்டுவிடுமாறு நாங்கள் அறிவுறுத்துகிறோம் என ஜனாதிபதி குறிப்பிட்டார்.

மன்னார் பேசாளை பகுதியில் காவல்துறையினரால் கைது செய்யப்பட்ட இளைஞன் ஒருவர் உயிரிழந்துள்ளார். 

 

குறித்த இளைஞன் திடீர் சுகவீனமுற்ற நிலையில் மன்னார் பொது மருத்துவமனையில் அனுமதிக்கப்பட்ட போது உயிரிழந்ததாக காவல்துறையினர் தெரிவித்தனர். 

 

இளைஞனின் உடலம் மீதான பிரேத பரிசோதனை மன்னார் பொது மருத்துவமனையில் நாளை நடைபெறவுள்ளது. வவுனியா கூமாங்குளம் பகுதியை சேர்ந்த 34 வயதான இளைஞன் ஒருவரே உயிரிழந்துள்ளார். 

 

ஜஸ் போதைப் பொருள் தொடர்பில் குறித்த இளைஞன் சந்தேகத்தின் அடிப்படையில் கைது செய்யப்பட்டதாக காவல்துறையினர் தெரிவித்தனர். 

 

பேசாளை காட்டாஸ்பத்திரி பகுதியில் நேற்றிரவு முன்னெடுக்கப்பட்ட தேடுதலின் போது குறித்த இளைஞன் கைது செய்யப்பட்டார். 

 

இதன் பின்னர் பேசாளை காவல்நிலையத்தின் சிறைக்கூடத்தில் தடுத்து வைக்கப்பட்டிருந்த நிலையில் இன்று காலை குறித்த இளைஞன் உயிரிழந்துள்ளார். 

 

இளைஞனின் மரணத்தில் சந்தேகம் நிலவுவதாக அவரின் உறவினர்கள் குற்றம் சுமத்தியுள்ளனர்.

என்பு முறிவு சிகிச்சைக்கு வந்த சிறுமிக்கு வலது கை அகற்றப்பட்ட சம்பவம் பாலக்காடு அரச மருத்துவமனையில் சம்பவித்துள்ளது.

9 வயதுடைய சிறுமியொருவருக்கே இவ்வாறு வலது கை அகற்றப்பட்டுள்ளதாக இந்திய செய்திகள் தெரிவிக்கின்றன.

மருத்துவமனையில் இடம்பெற்ற சிகிச்சையிலேயே குறைபாடு உள்ளதாகக் கூறப்படுகிறது.

இந்த சம்பவம் தொடர்பில் உடன் விசாரணைகளை முன்னெடுக்குமாறு கேரள மாநில அரசு உத்தரவிட்டுள்ளது.