හකීම්ට මුස්ලිම් සමාජයෙන්ම ප්‍රතිචාර

Wednesday, 01 April 2020 - 20:10

%E0%B7%84%E0%B6%9A%E0%B7%93%E0%B6%B8%E0%B7%8A%E0%B6%A7+%E0%B6%B8%E0%B7%94%E0%B7%83%E0%B7%8A%E0%B6%BD%E0%B7%92%E0%B6%B8%E0%B7%8A+%E0%B7%83%E0%B6%B8%E0%B7%8F%E0%B6%A2%E0%B6%BA%E0%B7%99%E0%B6%B1%E0%B7%8A%E0%B6%B8+%E0%B6%B4%E0%B7%8A%E2%80%8D%E0%B6%BB%E0%B6%AD%E0%B7%92%E0%B6%A0%E0%B7%8F%E0%B6%BB
කොරෝනා ආසාදනය වීමෙන් මරණයට පත්වූ දෙවන පුද්ගලයාගේ දේහය ආදාහනය කිරීම ශ්‍රී ලංකා මුස්ලිම් කොංග්‍රස් නායක හිටපු අමාත්‍ය රවුෆ් හකීම් හෙළා දැකීම සම්බන්ධයෙන් මුස්ලිම් ජන සමාජයෙන්ම ප්‍රතිචාර ලැබෙමින් පවතිනවා.

මියගිය පුද්ගලයා මුස්ලිම් ජාතිකයෙකු වීම සහ ඔහුගේ දේහය ආදාහනය කිරීම සම්බන්ධයෙන් සිය ට්විටර් ගිණුමේ සටහනක් තබමින් හිටපු අමාත්‍ය රවුෆ් හකීම් ප්‍රකාශ කළේ එම හදිසි ආදාහනය නවතාලීම සඳහා දේශපාලන අංශ සහ සෞඛ්‍ය අංශ හැකිතාක් දුරට කටයුතු කළ යුතුව තිබූ බවයි.

මේ අතර සමාජ මාධ්‍ය ඔස්සේ වීඩියෝවක් නිකුත් කරමින් තවත් මුස්ලිම් ජාතිකයෙකු සඳහන් කර තිබුණේ අදාළ පුද්ගලයාගේ දේහය ආදහනය කිරීම නොකළ යුතුව තිබූ දෙයක් බවයි.

කෙසේ වෙතත් හිටපු අමාත්‍ය රවුෆ් හකීම්ගේ ට්විටර් පණිවුඩය සම්බන්ධයෙන් මුස්ලිම් ජාතික කාන්තාවක් සිය සමාජ මාධ්‍ය වෙත ප්‍රකාශයක් කරමින් සඳහන් කළේ රජය නිකුත් කරන නියෝගවලට සියලූදෙනා යටත්විය යුතු බවටයි.

අදාළ සිද්ධිය සම්බන්ධයෙන් සමස්ත ලංකා ජමියතුල් උලමා සංවිධානයද නිවේදනයක් නිකුත් කර තිබෙනවා.

එහි දැක්වුණේ කොරෝනා ආසාදිතයෙකු මරණයට පත්වුවහොත් ඔහුගේ අවසන් කටයුතු සිදුකරන ආකාරය පිළිබඳව රජය නිල නිවේදනයක් නිකුත් කර ඇති බවයි.

ඒ අනුව දේහය ස්නානය කරවිය නොහැකි බවත්, ආදාහනය කිරීම සිදුකළ යුතු බවත් අදාළ නිවේදනයේ වැඩිදුරටත් දක්වා තිබෙනවා.