ප්‍රවීණ ගායන ශිල්පී වික්ටර් විජයන්ත අභාවප්‍රාප්ත වෙයි

ප්‍රවීණ ගායන ශිල්පී වික්ටර් විජයන්ත කැනඩාවේ දී අභාවප්‍රාප්ත වී තිබෙනවා.

77 වන වියේ පසුවූ ඔහු රෝහල්ගතව ප්‍රතිකාර ලබමින් සිටිය දී ඊයේ (09) පස්වරුවේ මිය ගිය බවයි පවුලේ ආරංචි මාර්ග සඳහන් කළේ.

80 - 90 දශකයේ චිත්‍රපට සඳහා පසුබිම් ගායනයෙන් එක්වූ වික්ටර් විජයන්ත ප්‍රවීණ ගායන ශිල්පී මායා දමයන්තිගේ ස්වාමි පුරුෂයා වන අතර කුෂානි සඳරේඛා සහ නර්තන ශිල්පිනී සචිනි නිරාෂා ඔහුගේ දියණියන් දෙදෙනායි.

දේහය පිළිබද අවසන් කටයුතු කැනඩාවේ ඔටෝවාහි දී සිදු කිරීමට නියමිතයි.