පාස්පෝට් පෝලිමේ පළමු දරු උපත වාර්තා වෙයි (වීඩියෝ)

Thursday, 07 July 2022 - 10:11

%E0%B6%B4%E0%B7%8F%E0%B7%83%E0%B7%8A%E0%B6%B4%E0%B7%9D%E0%B6%A7%E0%B7%8A+%E0%B6%B4%E0%B7%9D%E0%B6%BD%E0%B7%92%E0%B6%B8%E0%B7%9A+%E0%B6%B4%E0%B7%85%E0%B6%B8%E0%B7%94+%E0%B6%AF%E0%B6%BB%E0%B7%94+%E0%B6%8B%E0%B6%B4%E0%B6%AD+%E0%B7%80%E0%B7%8F%E0%B6%BB%E0%B7%8A%E0%B6%AD%E0%B7%8F+%E0%B7%80%E0%B7%99%E0%B6%BA%E0%B7%92+%28%E0%B7%80%E0%B7%93%E0%B6%A9%E0%B7%92%E0%B6%BA%E0%B7%9D%29
විදෙස් ගමන් බලපත්‍රයක් ලබා ගැනීම සඳහා බත්තරමුල්ලේ පිහිටි ආගමන විගමන දෙපාර්තමේන්තුවට පැමිණි ගර්භනී කාන්තාවකට එහි පෝලිමේ රැඳී සිටියදී දරු ප්‍රසූතිය ලකුණු පහළවී තිබෙනවා.

ඒ ඇය ආගමන විගමන දෙපාර්තමේන්තුවේ වැසිකිළියට ගොස් සිටියදී.

මෙහි දී ඇය සිදු කළ දැනුම් දීමත් සමඟ වහාම ක්‍රියාත්මක වූ ආගමන විගමන දෙපාර්තමේන්තුවේ රාජකාරියේ නිරතව සිටි හමුදා කණ්ඩායමක් විසින් ඇයව වහාම බොරැල්ල කාසල් කාන්තා රෝහල ට රැගෙන ගොස් තිබෙනවා.

රෝහලට ඇතුළත් කර සුළු වේලාවකදී ඇය දරු ප්‍රසූතියක් සිදු කර ඇති අතර මේ සිඟිත්තිය දියණියක්.

රෝහල් ආරංචි මාර්ග සඳහන් කරන්නේ මේ වන විට මව සහ දියණිය යහපත් සෞඛ්‍ය තත්ත්වයෙන් පසුවන බවයි.

මේ දින වල ශ්‍රී ලංකාව පුරා විවිධ අත්‍යවශ්‍ය වූ සේවාවන් ලබා ගැනීම සඳහා පෝලිම් බොහෝ සංඛ්‍යාවක් නිර්මාණය වී ඇති අතර ඒ අතරින් ප්‍රමුඛ වන්නේ ඉන්ධන ලබා ගැනීමට නිර්මාණය වී ඇති පෝලිම් සහ ආගමන විගමන දෙපාර්තමේන්තුව ඉදිරිපිට විදෙස් ගමන් බලපත්‍ර ලබාගැනීම සඳහා නිර්මාණය වී ඇති පෝලිමයි.

මෙම පෝලිම් ඉදිරිපිට දින ගණන් ජනතාවට රස්තියාදු වීමට සිදුවී ඇත්තේ මේ වන විටත් ආගමන විගමන දෙපාර්තමේන්තුවට දරාගත නොහැකි තරමේ විදෙස් ගමන් බලපත්‍ර ඉල්ලුම් සංඛ්‍යාවක් ලැබීම හේතුවෙන්.

අදාළ කාන්තාව ද දින දෙකකට ආසන්න කාලයක් මෙම පෝලිමේ රැඳී සිට ඇති බවයි වාර්තා වන්නේ.

එමෙන්ම රටපුරා තැන් තැන්වල නිර්මාණය වී ඇති මෙම ඉන්ධන පෝලිම් සහ අනෙකුත් පෝලිම් වල මේ වන විට මරණ 12 ක් වාර්තා වී ඇති අතර පෝලිමක සිටි කාන්තාවක් දරු ප්‍රසූතියක් සිදු කළ පළමු අවස්ථාව ලෙස ද මෙය වාර්තා වනවා.



Follow US

facebook youtube 32ins 32ins twitter 32ins 32ins

Most Viewed Stories