මෙරට කාන්තාවන්ගෙන් අඩක්ම මත්ද්‍රව්‍ය නිසා ගැටලුවලට මුහුණදී ඇති බවට හෙළි වෙයි

මෙරට කාන්තාවන්ගෙන් 54% ක් මත්ද්‍රව්‍ය භාවිතා කරන්නන් නිසා විවිධ ගැටලුවලට මුහුණදී ඇති බවට සමීක්ෂණයකින් හෙළිව තිබෙනවා.

කාන්තා දිනය තේමා කරගනිමින් මධ්‍යසාර සහ මත්ද්‍රව්‍ය තොරතුරු මධ්‍යස්ථානය විසින් දිවයිනේ දිස්ත්‍රික්ක 25ම ආවරණය වන පරිදි වයස අවුරුදු 15 ට වැඩි කාන්තාවන් දහසක් යොදා ගනිමින් සිදු කරන ලද සමීක්ෂණයකදීයි මේ බව අනාවරණය වී ඇත්තේ.

එමෙන්ම, මෙරට කාන්තාවන් 43% ක් අයහපත් මානසික අභියෝගයන්ට මුහුණ දෙමින් සිටින බවද මෙමගින් හෙළිව තිබෙනවා.

මේ අතර, කාන්තාවන්ගෙන් 64% ක් මධ්‍යසාර සමාගම් ඔවුන්ගේ නිෂ්පාදන ප්‍රවර්ධනය කිරීමට යොදා ගැනීම නිසා කාන්තා අයිතිවාසිකම් උල්ලංඝනය වී ඇති බවට ද මධ්‍යසාර සහ මත්ද්‍රව්‍ය තොරතුරු මධ්‍යස්ථානය විසින් සිදු කරන ලද මෙම සමීක්ෂණයේදී හෙළිව ඇති බව සදහන්.