International29 March 2026

එක්සත් අරාබි එමීර් රාජ්‍යයේ සහ බහරේනයේ ඇලුමිනියම් කම්හල්වලට එල්ල වූ ප්‍රහාරවලට ඉරානයේ IRGCයට චෝදනා කරයි

බහරේනය සහ එක්සත් අරාබි එමීර් රාජ්‍යයේ පිහිටි ඇලුමිනියම් නිෂ්පාදන මධ්‍යස්ථාන ඉලක්ක කර ගනිමින් ඉරාන ඉස්ලාමීය විප්ලවීය ආරක්ෂක බලකාය (IRGC) මිසයිල සහ ඩ්‍රෝන ප්‍රහාර මාලාවක් එල්ල කර තිබෙනවා.

ඉරාන රජයේ පුවත් සේවය වාර්තා කරන පරිදි, ඇමරිකානු හමුදාව සමඟ සබඳතා පවත්වන ස්ථාන ඉලක්ක කර ගනිමින් අද (29) මෙම ප්‍රහාර එල්ල කර තිබෙනවා.

Aluminium Bahrain' (Alba) ආයතනයට එල්ල වූ ප්‍රහාරයෙන් සේවකයින් දෙදෙනෙකු තුවාල ලබා ඇති බවත්, අබුඩාබි හි පිහිටි 'Emirates Global Aluminium' (EGA) ආයතනයට දැඩි හානි සිදුව ඇති අතර පුද්ගලයින් හය දෙනෙකු තුවාල ලබා ඇති බවත් විදෙස් මාධ්‍ය වාර්තා කරනවා.

එමෙන්ම, සලාලා (Salalah) වරායට එල්ල වූ ඩ්‍රෝන ප්‍රහාරයකින් සේවකයෙකු තුවාල ලබා ඇති අතර, ඒ හේතුවෙන් සුප්‍රකට 'Maersk' සමාගම සිය මෙහෙයුම් තාවකාලිකව නතර කර ඇති බවයි එම වාර්තාවේ සඳහන්.

මූලාශ්‍රය | අල්ජසීරා
Related recommendation
Hiru TV News | Programmes