ත්‍රස්තවාදය වැළැක්වීමේ පනත වෙනුවට සංවිධානාත්මක අපරාධ මර්දන පනතක් - ජනපති

ත්‍රස්තවාදය වැළැක්වීමේ පනත වෙනුවට සංවිධානාත්මක අපරාධ මර්දනය කිරීමට සහ මහජන අයිතීන් සුරැකීමට නව නීතියක් හඳුන්වා දෙන බව ජනාධිපතිවරයා පවසනවා.

දැනට පවතින ත්‍රස්තවාදය වැළැක්වීමේ පනත (PTA) වෙනුවට සංවිධානාත්මක අපරාධ වැළැක්වීම සහ මහජනතාවගේ අයිතිවාසිකම් ආරක්ෂා කිරීම අරමුණු කරගත් නව නීතියක් මෙරටට හඳුන්වා දීමට කටයුතු කරන බවයි ජනාධිපතිවරයා ප්‍රකාශ කර තිබෙන්නේ.

ජනාධිපතිවරයා මේ බව අවධාරණය කළේ රජයේ ඉදිරි ආරක්ෂක සහ නීතිමය ප්‍රතිසංස්කරණ පිළිබඳව අදහස් දක්වමින්.

දිගු කලක් තිස්සේ දේශීය මෙන්ම ජාත්‍යන්තර වශයෙන් ද දැඩි විවේචනයට ලක්ව ඇති ත්‍රස්තවාදය වැළැක්වීමේ පනත අහෝසි කර, ඒ වෙනුවට වත්මන් සමාජයට ගැළපෙන පරිදි සංවිධානාත්මක අපරාධ කල්ලි මර්දනය කිරීමටත්, ඒ හරහා රටේ සාමාන්‍ය වැසියන්ගේ මානව හිමිකම් සහ නිදහස තහවුරු කිරීමටත් මෙම නව නීතිමය රාමුව මඟින් බලාපොරොත්තු වන බව ජනාධිපතිවරයා වැඩිදුරටත් පෙන්වා දී තිබෙනවා.