අනුරාධපුර පූජා භූමි සංවර්ධන සැලැස්ම මේ වසර තුළදීම ආරම්භ කිරීමට ජනපතිගෙන් උපදෙස්

අනුරාධපුර පූජා භූමි සංවර්ධන සැලැස්ම නැවත සමාලෝචනය කර, නව යෝජනා ද ඇතුළත් කරමින් ව්‍යාපෘතියේ කටයුතු මේ වසර තුළදීම ආරම්භ කරන ලෙස ජනාධිපති අනුර කුමාර දිසානායක බලධාරීන්ට උපදෙස් ලබා දී තිබෙනවා.

ඒ අනුරාධපුර දිස්ත්‍රික් ලේකම් කාර්යාලයේදී ඊයේ පැවති විශේෂ සාකච්ඡාවකදීයි.

ඉන්දීය රජයේ දායකත්වය යටතේ රුපියල් බිලියන 6.5ක් දක්වා වැඩිදියුණු කර ඇති මෙම ව්‍යාපෘතිය මගින් පූජා භූමි සීමාව වර්ග කිලෝමීටර 28 සිට 38 ක් දක්වා පුළුල් කිරීමට නියමිතව තිබෙනවා.

එමෙන්ම, පුරාවිද්‍යාත්මක ස්ථාන හුදෙක් නටබුන් ලෙස නොසලදා, ජනතාව වන්දනාමාන කරන සජීවී ඓතිහාසික ස්ථාන ලෙස සලකා බැතිමතුන්ට අවශ්‍ය පහසුකම් සැලසීමට නියමිතයි.