යතුරුපැදි දෙකක් ගැටී සිව්දෙනෙක් රොහලේ

තණමල්විල සර්වෝදය ගඟේයාය අතුරු මාර්ගයේ දී යතුරුපැදි දෙකක් එකිනෙක ගැටී සිදුවූ අනතුරකින් සිව් දෙනෙකු තුවාල ලබා තිබෙනවා.

යතුරුපැදිවල ගමන් ගත් තරුණයන් හතරදෙනෙකු මෙසේ තුවාල ලබා ඇති අතර අයෙකුගේ තත්ත්වය බරපතල බවයි වාර්තා වන්නේ.

තුවාලකරුවන් තණමල්විල ප්‍රාදේශීය රෝහලට ඇතුළත් කිරීමෙන් අනතුරුව තුන්දෙනෙකු වැඩිදුර ප්‍රතිකාර සඳහා ඇඹිලිපිටිය මහ රෝහලට මාරු කර යවා තිබුණා.

එහිදී බරපතල තත්ත්වයේ පසුවූ අයෙකු දැඩිසත්කාර ඒකකයට ඇතුළත් කර ඇති අතර මෙසේ අනතුරට ලක් වී ඇත්තේ තණමල්විල ,ගල්වලයාය ප්‍රදේශයේ පදිංචි වයස අවුරුදු 16,18,19 සහ 31 වයසේ තරුණයන් බවයි පොලිසිය සඳහන් කළේ.

සිද්ධිය සම්බන්ධයෙන් තණමල්විල මූලස්ථාන පොලිසිය විමර්ශන සිදු කරනවා.