චෙක් ජනරජය පරදා මෙක්සිකෝවට විශිෂ්ට ජයක්

ලෝක පාපන්දු කුසලාන තරගාවලියේ 'A' කාණ්ඩයේ මූලික වටයේ උණුසුම් තරගයකින් ප්‍රබල චෙක් ජනරජ කණ්ඩායම ගෝල 3-0ක් ලෙස පරාජයට පත් කරමින් කැපී පෙනෙන ජයක් වාර්තා කිරීමට මෙක්සිකෝව අද (25) සමත් වුණා.

තරගයේ පළමු අර්ධය පුරා දෙපිලෙන්ම කරට කර සටනක් දියත් වූ අතර, කිසිදු කණ්ඩායමකට ගෝලයක් වාර්තා කිරීමට හැකි වූයේ නැහැ.

කෙසේ වෙතත්, තරගයේ දෙවන අර්ධය ආරම්භ වීමත් සමග වඩාත් ආක්‍රමණශීලී ක්‍රීඩා විලාශයක් දියත් කිරීමට මෙක්සිකෝ ක්‍රීඩකයින් සමත් වුණා.

ඒ අනුව, මාටියෝ චාවේස් (Mateo Chávez), අල්වාරෝ ෆිඩල්ගෝ (Álvaro Fidalgo) සහ ජුලියන් ක්වීනෝනස් (Julián Quiñones) මෙක්සිකෝව වෙනුවෙන් ගෝල වාර්තා කරමින් සිය කණ්ඩායම පෙරමුණට රැගෙන ආවා.