සේපාල් අමරසිංහ රක්ෂිත බන්ධනාගාරයට (වීඩියෝ)

Updated - 2023.01.06 - 02.10PM

දළදා වහන්සේට අපහාස වන අයුරින් ප්‍රකාශ සිදු කිරීමේ චෝදනාවට අපරාධ පරීක්ෂණ දෙපාර්තමේන්තුව විසින් අත්අඩංගුවට ගත් සේපාල් අමරසිංහ ජනවාරි 10 වැනිදා දක්වා රක්ෂිත බන්ධනාගාර ගත කර තිබෙනවා.

ඒ, ඔහු අද (06) කොළඹ මහේස්ත්‍රාත් අධිකරණයට ඉදිරිපත් කිරීමෙන් අනතුරුවයි.

.................................................................................................................................................................................................

සේපාල් අමරසිංහ අධිකරණයට

දළදා වහන්සේට අපහාස වන අයුරින් ප්‍රකාශ සිදු කිරීමේ චෝදනාවට අදාලව අත්අඩංගුවට ගත් සේපාල් අමරසිංහ නැමැත්තා අද (06) අධිකරණයට ඉදිරිපත් කෙරුණා.

අදාල සැකකරු ඊයේ (05) රාත්‍රියේ බොරලැස්ගමුව ප්‍රදේශයේදී අපරාධ පරීක්ෂණ දෙපාර්තමේන්තුවේ විමර්ශන නිලධාරීන් පිරිසක් විසින් අත්අඩංගුව ගත්තා.

බෞද්ධයින්ගේ මුදුන්මල්කඩ බඳු වූ ශ්‍රී දළදා වහන්සේට නිගරු වන අයුරින් සේපාල් අමරසිංහ නැමැති පුද්ගලයෙක් පසුගියදා සමාජ මාධ්‍ය ඔස්සේ ප්‍රකාශයක් සිදු කිරීමත් සමඟ පාර්ශ්ව රැසකින් ඊට දැඩි විරෝධය මතු වුණා.

මල්වතු හා අස්ගිරි මහානාහිමිවරුන්ද මේ පිළිබඳ පියවර ගන්නා ලෙස ඉල්ලමින් ජනාධිපතිවරයා වෙත ලිපියක් යොමු කර තිබුණා.

ඒ අනුවය ජනාධිපතිවරයා විසින් මේ සම්බන්ධයෙන් කඩිනම් විමර්ශන ආරම්භ කරන ලෙස පොලිස්පතිවරයාට දැනුම් දී තිබූ අතර අපරාධ පරීක්ෂණ දෙපාර්තමේන්තුවට එම විමර්ශන පොලිස්පතිවරයා විසින් භාරදීමට කටයුතු කළා.

සේපාල් අමරසිංහ නැමැත්තා අපරාධ පරීක්ෂණ දෙපාර්තමේන්තුව විසින් බොරලැස්ගමුව ප්‍රදේශයේදී ඊයේ රාත්‍රි අත්අඩංගුවට ගනු ලැබුවේ ඒ අනුවයි.