මත්තල පාඩුව කෝටි 4281ක්

මත්තල ජාත්‍යන්තර ගුවන්තොටුපොළ ආරම්භ කළ 2017 වසරේ සිට 2022 වසර දක්වා එහි සමස්ත පාඩුව රුපියල් කෝටි 4281ක් බව විගණන වාර්තාවකින් හෙළි වී තිබෙනවා.

2021 වසරේදි එහි පාඩුව 444ක් වී ඇති අතර 2022 වසරේ පාඩුව 2021 වසරේ මෙන් පස් ගුණයකට ආසන්න බවයි එහිදී අනාවරණය වී ඇත්තේ.

එම වාර්තාවලට අනුව මත්තල, රත්මලාන, යාපනය හා මඩකලපුව ජාත්‍යන්තර ගුවන්තොටුපොළ හතරෙහි පසුගිය වසරෙහි පාඩුව රුපියල් කෝටි 2345කට අධික බවයි වාර්තා වන්නේ.

2018 වසරේ ආරම්භ කළ මඩකලපුව ගුවන්තොටුපොලෙන් කිසිදු ලාභයක් මේ වන තෙක් ලබා නොමැති අතර එහි පාඩුව රුපියල් කෝටි 8.7ක් බවද එම වාර්තාව සඳහන් කරනවා.

කෙසේ වෙතත් මත්තල ජාත්‍යන්තර ගුවන්තොටුපොළේ අපේක්ෂිත වාර්ෂික මගීන් සංඛ්‍යාව ලක්ෂ දහයක් වුවද මෙම තොටුපොළ හරහා ගමන් කළ මගීන් සංඛ්‍යාව 11577ක් පමණක් වන බවද එම වාර්තාව පෙන්වා දෙනවා.