දික්ඔය ඩන්කන් වතුයායේ කම්කරුවන් වැඩ වර්ජනයක

හැටන් දික්ඔය ඩන්කන් වතුයායේ පාලන අධිකාරියට එරෙහිව කම්කරුවන් දින 5ක සිට වැඩ වර්ජනයක් ආරම්භ කර තිබෙනවා.

කහවත්ත වැවිලි සමාගම යටතේ පාලනය වන එම වතුයායේ කම්කරුවන්ට රජයෙන් වැඩි කළ රු.200ක දීමනාව නොලැබෙන බව පවසනවා.

දැනට සමාගම දිනක වැටුප වශයෙන් රු.1550ක මුදලක් ගෙවන බවයි වර්ජනයේ නිරත කම්කරුවන් පවසන්නේ.

ඉහත වැටුප ලබා ගැනීම සඳහා දිනකට අමු තේ දළු කිලෝ 20 බැගින් නෙළිය යුතු බවට වතු පාලන අධිකාරිය මගින් කළ දැනුම්දීමක් මත මෙම වර්ජනය ආරම්භ කර තිබෙනවා.

එම වතුයායේ වතු කම්කරුවන් වතු පාලන අධිකාරිය සහ වතුකරයේ වෘත්තීය සමිති නියොජිතයන් සමග (09) දින සාකච්ඡාවක් පවත්වා ඇතත් ස්ථිර විසඳුමකට පැමිණ තිබුණේ නැහැ.