මසුන් ඇල්ලීමට ගිය පුතු සෙවීමට දියණිය සමඟ ගිය මවක් වගා ළිඳකට වැටී මියයයි: 10 හැවිරිදි දියණිය දියේ ගිලී අතුරුදන්

%E0%B6%B8%E0%B7%83%E0%B7%94%E0%B6%B1%E0%B7%8A+%E0%B6%87%E0%B6%BD%E0%B7%8A%E0%B6%BD%E0%B7%93%E0%B6%B8%E0%B6%A7+%E0%B6%9C%E0%B7%92%E0%B6%BA+%E0%B6%B4%E0%B7%94%E0%B6%AD%E0%B7%94+%E0%B7%83%E0%B7%99%E0%B7%80%E0%B7%93%E0%B6%B8%E0%B6%A7+%E0%B6%AF%E0%B7%92%E0%B6%BA%E0%B6%AB%E0%B7%92%E0%B6%BA+%E0%B7%83%E0%B6%B8%E0%B6%9F+%E0%B6%9C%E0%B7%92%E0%B6%BA+%E0%B6%B8%E0%B7%80%E0%B6%9A%E0%B7%8A+%E0%B7%80%E0%B6%9C%E0%B7%8F+%E0%B7%85%E0%B7%92%E0%B6%B3%E0%B6%9A%E0%B6%A7+%E0%B7%80%E0%B7%90%E0%B6%A7%E0%B7%93+%E0%B6%B8%E0%B7%92%E0%B6%BA%E0%B6%BA%E0%B6%BA%E0%B7%92%3A+10+%E0%B7%84%E0%B7%90%E0%B7%80%E0%B7%92%E0%B6%BB%E0%B7%92%E0%B6%AF%E0%B7%92+%E0%B6%AF%E0%B7%92%E0%B6%BA%E0%B6%AB%E0%B7%92%E0%B6%BA+%E0%B6%AF%E0%B7%92%E0%B6%BA%E0%B7%9A+%E0%B6%9C%E0%B7%92%E0%B6%BD%E0%B7%93+%E0%B6%85%E0%B6%AD%E0%B7%94%E0%B6%BB%E0%B7%94%E0%B6%AF%E0%B6%B1%E0%B7%8A

මසුන් ඇල්ලීමට ගොස් නිවසට පැමිණීම ප්‍රමාද වූ තම පුත්‍රයා සෙවීම සඳහා දියණියද කැටුව ගිය මවක, වැවක් අසල කපා තිබූ ළිඳකට වැටී මියගොස් ඇතැයි පොලිස් මාධ්‍ය කොට්ඨාසය පවසනවා.

මරණකාරිය සමග ගිය 10 හැවිරිදි දියණිය ද දියේ ගිලි අතුරුදන්ව ඇතැයි පොලිසය සඳහන් කරනවා.

ගල්ගමුව පොලිස් වසමට අයත් තෙන්නකෝන්පුර, තුබාර වැව අසලදී මෙම අනතුර සිදුව ඇත්තේ ඊයේ (28) රාත්‍රියේ බවයි පොලිසිය පැවසුවේ.

මෙසේ දියේ ගිලී මියගොස් ඇත්තේ තලකිරියාගම ප්‍රදේශයේ පදිංචි වයස අවුරුදු 45ක් වූ කාන්තාවක්. දියේ ගිලී අතුරුදන්ව ඇත්තේ ඇගේ වයස අවුරුදු 10ක් වූ දියණියයි.

පොලිස් විමර්ශනවලදී අනාවරණය වී ඇත්තේ මියගිය මවගේ පිරිමි දරුවා මසුන් ඇල්ලීම සඳහා තුබාර වැව වෙත ගොස් ඇති බවයි.

ඔහු නැවත නිවසට පැමිණීම ප්‍රමාද වීම හේතුවෙන්, ඔහු පිළිබඳව සොයා බැලීම සඳහා මරණකාරිය සිය දියණියද කැටුව වැව දෙසට ගොස් ඇති අතර, එලෙස යමින් සිටියදී තුබාර වැව අසල කපා තිබූ වගා ළිඳකට ඔවුන් දෙදෙනාම වැටීමෙන් මෙම අනතුර සිදුව තිබෙනවා.

දියේ ගිලී අතුරුදන්ව සිටින 10 හැවිරිදි දැරිය සෙවීම සඳහා මේ වන විට විශේෂ මෙහෙයුමක් ක්‍රියාත්මක කර ඇති අතර, ගල්ගමුව පොලිස් ස්ථානයේ නිලධාරීන් සිද්ධිය සම්බන්ධයෙන් වැඩිදුර විමර්ශන කටයුතු සිදුකරනු ලබනවා.