එක්සත් ජාතීන්ගේ මහලේකම්වරයා චීනයේ සංචාරයක

එක්සත් ජාතීන්ගේ මහලේකම් António Guterres අද(16) ශංහයි Pudong ජාත්‍යන්තර ගුවන්තොටුපළට පැමිණියා.

ඒ හෙට (17) සිට 20 වෙනිදා දක්වා චීනයේ ශංහයි නගරයේදී පැවැත්වෙන 2026 ලෝක කෘත්‍රිම බුද්ධි සම්මේලනයට සහ ගෝලීය කෘත්‍රිම බුද්ධි පාලනය පිළිබඳ ඉහළ මට්ටමේ සමුළුවට සහභාගී වීමටයි.

මහලේකම්වරයා කෘත්‍රිම බුද්ධියේ ගෝලීය පාලනය ශක්තිමත් කිරීමේ වැදගත්කම බොහෝ අවස්ථාවලදී සඳහන් කර තිබෙනවා.

මෑත වසරවලදී, එක්සත් ජාතීන්ගේ සංවිධානය, කෘත්‍රිම බුද්ධි කළමනාකරණය පිළිබඳ ගෝලීය සංවාදය සහ කෘත්‍රිම බුද්ධිය පිළිබඳ ජාත්‍යන්තර විද්‍යාත්මක මණ්ඩලය යන යාන්ත්‍රණ දෙකක් ස්ථාපිත කර තිබෙනවා.

විවිධ රටවල් අතර සන්නිවේදනය වැඩි දියුණු කරමින් පොදු අදහස් ගොඩනැගීමට සහ සහයෝගීතාව පුළුල් කිරීමට එය වැදගත් වේදිකාවක් ද වනවා.