අධිකරණ අමාත්‍ය හර්ෂණ නානයක්කාරට එරෙහි විශ්වාසභංගය පරාදයි

අධිකරණ අමාත්‍ය හර්ෂණ නානයක්කාරට එරෙහි විශ්වාසභංගය වැඩි ඡන්ද 116කින් පරාජයට පත් වුණා.

විශ්වාසභංගයට විපක්ෂව ඡන්ද 152 හිමි වූ අතර පක්ෂව හිමිවුණේ ඡන්ද 36 පමණයි.

විපක්ෂය ඉදිරිපත් කළ මෙම විශ්වාසභංග යෝජනාව අද දහවල් පාර්ලිමේන්තුවේදී විවාදයට ගැනීම ආරම්භ වුණා.

පෙරේදා රැස්වූ පාර්ලිමේන්තු කටයුතු පිළිබඳ කාරක සභාවේදී අදාළ යෝජනාව සම්බන්ධයෙන් වූ විවාදය අද පැවැත්වීමටයි තීරණය කෙරුණේ.

විපක්ෂ නායක සජිත් ප්‍රේමදාස ඇතුළු විපක්ෂයේ මන්ත්‍රිවරුවන් 37 දෙනෙකුගේ අත්සන් සහිතව මෙම විශ්වාසභංග යෝජනාව පසුගියදා කතානායකවරයා වෙත භාර දෙනු ලැබුවේ මීගමුව බන්ධනාගාර ගැටුමේදී අධිකරණ අමාත්‍යවරයා සිය වගකීම් ඉටුකිරීමට අපොහොසත් වීම ඇතුළු කරුණු රැසක් මුල් කරගනිමින්.