රිලාවලදී අදත් අනතුරක්: දෙදෙනෙකුට තුවාල

අනතුරු බහුලව සිදුවන පොල්ගස්ඕවිට රිලාවල මංසන්ධියේදී අදත් අනතුරක් සිදුව තිබෙනවා.

පියකු සහ දියණියක ගමන් ගත් යතුරුපැදියක් අද පෙරවරුවේ මාරගය මැද ඇද වැටීම නිසා මෙම අනතුර සිදුව ඇති බවයි පොලිසිය සඳහන් කළේ.

අනතුර හේතුවෙන් ඔවුන් දෙදෙනාම තුවාල ලබා රෝහල් ගත කළ බවද කහතුඩුව පොලිසිය පැවසුවා.

කොළඹ දෙස සිට හොරණ දෙසට යතුරුපැදිය ධාවනය වෙමින් තිබියදී එකවරම යතුරුපැදිය ලිස්සායාම නිසා මෙම අනතුර සිදුව තිබුණා.

තුවාල ලැබූ දෙදෙනා වෑතර රෝහලට ඇතුළත් කළ බවයි කහතුඩුව පොලිසිය පැවසුවේ.