ඉරානයට එරෙහිව පෙර නොවූ විරූ ආර්ථික ක්‍රියාමාර්ගයක් ගන්නා බව ට්‍රම්ප් කියයි

%E0%B6%89%E0%B6%BB%E0%B7%8F%E0%B6%B1%E0%B6%BA%E0%B6%A7+%E0%B6%91%E0%B6%BB%E0%B7%99%E0%B7%84%E0%B7%92%E0%B7%80+%E0%B6%B4%E0%B7%99%E0%B6%BB+%E0%B6%B1%E0%B7%9C%E0%B7%80%E0%B7%96+%E0%B7%80%E0%B7%92%E0%B6%BB%E0%B7%96+%E0%B6%86%E0%B6%BB%E0%B7%8A%E0%B6%AE%E0%B7%92%E0%B6%9A+%E0%B6%9A%E0%B7%8A%E2%80%8D%E0%B6%BB%E0%B7%92%E0%B6%BA%E0%B7%8F%E0%B6%B8%E0%B7%8F%E0%B6%BB%E0%B7%8A%E0%B6%9C%E0%B6%BA%E0%B6%9A%E0%B7%8A+%E0%B6%9C%E0%B6%B1%E0%B7%8A%E0%B6%B1%E0%B7%8F+%E0%B6%B6%E0%B7%80+%E0%B6%A7%E0%B7%8A%E2%80%8D%E0%B6%BB%E0%B6%B8%E0%B7%8A%E0%B6%B4%E0%B7%8A+%E0%B6%9A%E0%B7%92%E0%B6%BA%E0%B6%BA%E0%B7%92

ඉරානය සමග පවතින මාස පහකට අධික කාලයක් පුරා පැවති ගැටුම අවසන් කිරීම සඳහා පැවති සාකච්ඡා ඇනහිට ඇති පසුබිමක, ඉරානයට එරෙහිව පෙර නොවූ විරූ ආර්ථික ක්‍රියාමාර්ගයක් ගන්නා බවට අමෙරිකානු ජනාධිපති ඩොනල්ඩ් ට්‍රම්ප් අනතුරු අඟවා තිබෙනවා.

ට්‍රම්ප් සිය Truth Social ගිණුමේ පළ කළ පණිවුඩයක් මගින් සඳහන් කර ඇත්තේ, ඉරානය සමග එකඟතාවකට පැමිණීමට තිබූ අවස්ථාවක් ටෙහෙරානය විසින් අහිමි කරගෙන ඇති බවයි.

ඒ අනුව ඉරානයට එරෙහිව “කිසිදු රටකට එරෙහිව මෙතෙක් ක්‍රියාත්මක කළ වඩාත්ම දැඩි ආර්ථික මෙහෙයුම” ක්‍රියාත්මක කරන බව ඔහු ප්‍රකාශ කර තිබෙනවා.

ඉරානයට එරෙහිව පෙර නොවූ විරූ මට්ටමේ ආර්ථික යුද්ධයක් සහ හුදකලා කිරීමක් ක්‍රියාත්මක කරන බවද ට්‍රම්ප් සඳහන් කර ඇති බවයි විදෙස් මාධ්‍ය වාර්තා කරන්නේ.

එමෙන්ම ඉරානය සමග ව්‍යාපාරික කටයුතු සිදුකරන ඕනෑම රටකට එරෙහිවද දැඩි සම්බාධක පනවන බවට ඔහු අනතුරු අඟවා තිබෙනවා.

ඉරානයට මූල්‍ය ආයතන, ව්‍යාපාර, ගුවන් තොටුපළ හෝ රාජ්‍ය ආයතන හරහා කිසියම් ආකාරයක සහායක් ලබාදෙන රටවලට “දැවැන්ත ආර්ථික ප්‍රතිවිපාක” අත්විඳීමට සිදුවනු ඇති බවයි ට්‍රම්ප් පවසා ඇත්තේ.