රේගුවේ අගෝස්තු මස ආදායම රුපියල් බිලියන 200 ඉක්මවන ලකුණු

%E0%B6%BB%E0%B7%9A%E0%B6%9C%E0%B7%94%E0%B7%80%E0%B7%9A+%E0%B6%85%E0%B6%9C%E0%B7%9D%E0%B7%83%E0%B7%8A%E0%B6%AD%E0%B7%94+%E0%B6%B8%E0%B7%83+%E0%B6%86%E0%B6%AF%E0%B7%8F%E0%B6%BA%E0%B6%B8+%E0%B6%BB%E0%B7%94%E0%B6%B4%E0%B7%92%E0%B6%BA%E0%B6%BD%E0%B7%8A+%E0%B6%B6%E0%B7%92%E0%B6%BD%E0%B7%92%E0%B6%BA%E0%B6%B1+200+%E0%B6%89%E0%B6%9A%E0%B7%8A%E0%B6%B8%E0%B7%80%E0%B6%B1+%E0%B6%BD%E0%B6%9A%E0%B7%94%E0%B6%AB%E0%B7%94

නිල දත්තවලට අනුව, ශ්‍රී ලංකා රේගුව විසින් අගෝස්තු මාසයේ ආදායම් ඉලක්කය මාසය අවසන් වීමටත් පෙර අභිබවා යමින්, අඛණ්ඩව අටවන වරටත් සිය මාසික ඉලක්කය සාර්ථකව සපුරාගෙන තිබෙනවා.

අගෝස්තු මාසය සඳහා රේගු ආදායම් ඉලක්කය රුපියල් බිලියන 190.3ක් ලෙස නියම කර තිබුණ ද, එම ආදායම් එකතු කිරීමේ ආයතනය මාසයේ පළමු දින 27 ඇතුළත රුපියල් බිලියන 199.6ක් එකතු කර ගනිමින් ඉලක්කය ඉක්මවා ගොස් තිබෙනවා.

මෝටර් රථ ආනයනවල සැලකිය යුතු පහත වැටීමක් අපේක්ෂා කිරීම නිසා මෙම වසර සඳහා රේගුව රුපියල් බිලියන 2,207ක ආදායම් ඉලක්කයක් (ගිය වසරට වඩා 13.5%කින් අඩු) පනවා තිබුණද, මාස අටක් අවසන් වීමටත් පෙර එම වාර්ෂික ඉලක්කයෙන් 83%ක් එනම් රුපියල් බිලියන 1,832.7ක් අත්කර ගැනීමට සමත්ව තිබෙනවා.

2022 ආර්ථික අර්බුදයෙන් පසු විදේශ විනිමය රඳවා ගැනීම සඳහා පනවන ලද ආනයන සීමා ලිහිල් වීම, සංචිත ස්ථාවර වීම සහ පාරිභෝගික ඉල්ලුම ක්‍රමයෙන් යථා තත්ත්වයට පත්වීම මෙම ආදායම් වර්ධනයට මූලිකවම හේතු වී ඇති බව සඳහන්.

මීට අමතරව, දැඩි නීති ක්‍රියාත්මක කිරීම, භාණ්ඩ අවතක්සේරු කිරීම් සහ වැරදි ලෙස ප්‍රකාශ කිරීම් දැඩි ලෙස නිරීක්ෂණය කිරීම මෙන්ම වැඩිදියුණු කළ අගය කිරීමේ ක්‍රමවේද රාජ්‍ය ආදායම ඉහළ නැංවීමට විශාල දායකත්වයක් ලබා දී ඇති බව නිලධාරීන් පෙන්වා දෙනවා.

වැඩිවූ ආනයන ක්‍රියාකාරකම්, මුදල් හුවමාරු චලනයන් සහ දැඩි බලාත්මක කිරීමේ එකතුව මඟින් 2025 වසරේ භාණ්ඩාගාරය සඳහා ඉහළම ආදායම් මූලාශ්‍රයක් ලෙස රේගුව ස්ථානගත කර ඇති අතර, එය ජාත්‍යන්තර මූල්‍ය අරමුදලේ (IMF) සහය ලබන වැඩසටහන යටතේ රාජ්‍ය මූල්‍ය ඉලක්ක සපුරා ගැනීමට රජයට තීරණාත්මක පිටුවහලක්.