මරණය ගැන සැකයක් : නිරූපණ ශිල්පිනී චූලා පද්මේන්ද්‍රගේ මරණය ගැන පොලිසියෙන් විමර්ශන

ප්‍රසිද්ධ නිරූපණ ශිල්පිනියක වන චූලා පද්මේන්ද්‍ර කුමාරපතිරණ පිළියන්දල, වෑවල පිහිටි ව්‍යාපාරිකයෙකුට අයත් නිවසක ඇඳක් මත සැකකටයුතු ලෙස මියගොස් සිටියදී හමුවූ බව පිළියන්දල පොලිසිය පවසනවා.

එහිදී, බත්තරමුල්ල පිහිටි හෝටලයක ඇය විසින් සංවිධානය කරන ලද උත්සවයකින් අනතුරුව, අද (31) අලුයම ඇය අදාළ ව්‍යාපාරිකයා සමග මෙම නිවසට පැමිණ ඇති බව පොලිස් මූලික විමර්ශනවලදී අනාවරණය වී තිබෙනවා.

ඇය ඇඳ මත මුනින් අතට නිදා සිටින අවස්ථාවේදී අදාළ ව්‍යාපාරිකයා ඇයව අවදි කිරීමට උත්සාහ කර ඇති අතර, ඊට ප්‍රතිචාරයක් නොදැක්වීම හේතුවෙන් 1990 සුවසැරිය ගිලන් රථ සේවය අමතා ඇති අතර, ස්ථානයට පැමිණි සෞඛ්‍ය සේවකයින් පරීක්ෂා කර ඇය මියගොස් ඇති බව තහවුරු කිරීමෙන් පසු ව්‍යාපාරිකයා විසින් පිළියන්දල පොලිසියට මේ බව පැමිණිලි කර ඇති බවයි අප වාර්තාකරු සඳහන් කළේ.

මෙම සැකකටයුතු මරණය සම්බන්ධයෙන් මහේස්ත්‍රාත් පරීක්ෂණය පැවැත්වීමට නියමිත බවයි වැඩිදුරටත් අප වාර්තාකරු සඳහන් කළේ.