සෙනගාලය සමග සටනින් නෝර්වේ පිලට ගෝල 3-2ක තියුණු ජයක්

%E0%B7%83%E0%B7%99%E0%B6%B1%E0%B6%9C%E0%B7%8F%E0%B6%BD%E0%B6%BA+%E0%B7%83%E0%B6%B8%E0%B6%9C+%E0%B7%83%E0%B6%A7%E0%B6%B1%E0%B7%92%E0%B6%B1%E0%B7%8A+%E0%B6%B1%E0%B7%9D%E0%B6%BB%E0%B7%8A%E0%B7%80%E0%B7%9A+%E0%B6%B4%E0%B7%92%E0%B6%BD%E0%B6%A7+%E0%B6%9C%E0%B7%9D%E0%B6%BD+3-2%E0%B6%9A+%E0%B6%AD%E0%B7%92%E0%B6%BA%E0%B7%94%E0%B6%AB%E0%B7%94+%E0%B6%A2%E0%B6%BA%E0%B6%9A%E0%B7%8A

පාපන්දු කුසලාන තරගාවලියේ 'I' කාණ්ඩය යටතේ අද (23) පැවති තවත් මූලික වටයේ තරගයකින් සෙනගාල කණ්ඩායම ගෝල 3-2ක් ලෙස පරාජයට පත් කරමින් කැපී පෙනෙන ජයක් වාර්තා කිරීමට නෝර්වේ කණ්ඩායම සමත් වුණා.

දෙපිලෙන්ම ඉතා තියුණු තරගකාරීත්වයක් මතු වූ මෙම තරගයේදී අවසාන මොහොත දක්වාම ජයග්‍රහණය වෙනුවෙන් කණ්ඩායම් දෙකම දැඩි සටනක නිරත වුණා.

මාකස් හොල්ම්ග්‍රන් පේදර්සන් (Marcus Holmgren Pedersen) තරගයේ 43 වැනි මිනිත්තුවේදී නෝර්වේ පිල වෙනුවෙන් පළමු ගෝලය වාර්තා කළා.

ආලින්ග් හාර්ලන්ඩ් (Erling Haaland) තරගයේ 48 වැනි සහ 58 වැනි මිනිත්තුවලදී ගෝල 2ක්ම වාර්තා කරමින් නෝර්වේ පිලේ ජයග්‍රහණය ස්ථාවර කළා.

ඉස්මයිලා සර් (Ismaila Sarr) තරගයේ 53 වැනි මිනිත්තුවේදී සහ තරගය නිමා වීමට ආසන්නව තිබියදී (90 + 3 වැනි මිනිත්තුවේදී) සෙනගාලය වෙනුවෙන් ගෝල 2ක් වාර්තා කිරීමට සමත් වුණා.

තරගය පුරාම දැකගත හැකි වූ වේගවත් ක්‍රීඩා විලාශය හේතුවෙන් මෙය ප්‍රේක්ෂකයින්ට බෙහෙවින් ආකර්ෂණීය තරගයක් බවට පත් වුණා.

මෙම ජයග්‍රහණයත් සමඟ 'I' කාණ්ඩයේ පෙරමුණ සඳහා නෝර්වේ කණ්ඩායම තීරණාත්මක පියවරක් ඉදිරියට තබා තිබෙනවා.