උස්බෙකිස්ථානය පරදා පෘතුගාලයට විශිෂ්ට ජයක්

පාපන්දු ලෝක කුසලාන තරගාවලියේ K කාණ්ඩයේ තරගයක් ලෙස (23) වැනිදා පැවැති පෘතුගාලය සහ උස්බෙකිස්ථානය අතර තරගය ජය ගැනීමට පෘතුගාලය සමත් වුණා.

ඒ ගෝල 5 - 0ක් වශයෙන්.

තරගය ආරම්භ වී 6 වැනි මිනිත්තුවේදීම අතිවිශිෂ්ට ගෝලයක් වාර්තා කරමින්, ලෝක පාපන්දු ඉතිහාසයේ එකිනෙකට වෙනස් ලෝක කුසලාන තරගාවලි හයකදී ගෝල රැස්කළ ප්‍රථම සහ එකම ක්‍රීඩකයා බවට පත්වීමට පෘතුගාල සුපිරි ලෙජන්ඩ් ක්‍රිස්ටියානෝ රොනාල්ඩෝ සමත් වුණා.

සමස්ත ක්‍රීඩා ලෝකයම මවිතයට පත් කරමින්, පෘතුගාලයේ සුපිරි පාපන්දු තරුව වන ක්‍රිස්ටියානෝ රොනාල්ඩෝ, උස්බෙකිස්තාන කණ්ඩායම සමග පැවැති තරගයේදී මෙම ලෝක වාර්තාව තමන් සතු කරගත්තා.

අනතුරුව එංගලන්තය සහ ඝානාව අතර තරගය අළුයම 1:30ට අමෙරිකාවේ ෆොක්ස්බරෝ ක්‍රීඩාංගණයේදී ආරම්භ වීමට නියමිතයි.