යාපනයේ සිසුන් අතර පැතිරෙන පැම්පරා

යාපනයේ පාසල් බොහොමයක සිසුන් විශාල පිරිසක් මත් පුවක් කුඩු නොහොත් පැම්පරා විශේෂයකට දැඩි ලෙසින් ඇබ්බැහි වීම හේතුවෙන් එම සිසුන්ගේ අධ්‍යාපනය කඩාකප්පල් වීමේ දැඩි අවධානමක් පවතින බවට යාපනයේ සිවිල් සංවිධාන විසින් පෙන්වා දෙයි.

විශේෂයෙන්ම යාපනයේ ප්‍රසිද්ධ උසස් පාසල්හිම මෙම ක්‍රියාවලිය සිදු වීම දැඩි අවධානම් තත්වයක් බවටත් සෑම පාසලකම පාහේ සිසුන් 50කට වැඩි පිරිසක් මෙම පැම්පරා විශේෂයට ඇබ්බැහි වී සිටින බවටත් එහිදී 10 වසර සිට උසස් පෙල සිසුන් දක්වා සිසුන් මෙයට නැඹුරුව සිටින බවට සිවිල් සංවිධාන විසින් පෙන්වා දෙති.

ඉන්දියාවේ සිට රැගෙන එන මෙම පැම්පරා විශේෂය අලෙවි කිරීමට පොලීසිය විසින් තහනම් කර තිබුනද ඉතා සූක්‍ෂම අයුරින් යාපනයේ පාසල් ආශ්‍රීතව අලෙවි කිරීම් සිදු වන අතර දිනෙන් දින මෙම පාසල් සිසුන් ඇබ්බැහි වීමේ ප්‍රවණතාවය වැඩි වන බවටද සිවිල් සංවිධාන කියා සිටිති.

මෙම මත් පුවක් කුඩු නොහොත් පැම්පරා විශේෂය ආහාරයට ගත් විට පැය කිහිපයක් මත් බවකින් යුක්ත වන අතර එමගින් සිසුන්ගේ අධ්‍යාපනික මතක ශක්තිය හීන කරවන අතරම ඇතම් සිසුන් එම මත් ගතිය දිගටම පවත්වා ගැනීමට මෙම මත් පුවක් කුඩු මුඛයේ රඳවා සිටීමට පුරුදුව සිටින අතරම මෙමගින් මුඛයට විවිධ වූ හා හානි සිදු වන අතරම පිලිකා අවධානමක්ද පවතින බැවින් දෙමාපියන් මෙන්ම අධ්‍යාපන බලධාරීන් අවධානය යොමු කොට මෙය මර්ධනය කිරීමට පියවර ගත යුතු බවට එම සංවිධාන විසින් වැඩි දුරටත් පෙන්වා දෙති.

ඡායාරූ  - වන්නි රොමේෂ් මධුෂංඛ