"සන්ෂයින් සුද්දා" ඝාතනයට අත්අඩංගුවට ගත් "මිදිගම ලසා" රිමාන්ඩ්

"සන්ෂයින් සුද්දා" ඝාතනයේ ප්‍රධාන සැකකරු වන පසුගියදා අත්අඩංගුවට ගත් ලසන්ත වික්‍රමසේකර හෙවත් "මිදිගම ලසා" නම් සැකකරු ලබන මස 7 වනදා දක්වා රක්ෂිත බන්ධනාගාර ගතකර තිබෙනවා.

අමිල හෙට්ටිහේවා හෙවත් සන්ෂයින් සුද්දා ඝාතනයේ ප්‍රධාන සැකකරු වන "මිදිගම ලසා" නැමැත්තා පසුගියදා අත්අඩංගුවට ගනු ලැබුවේ කොග්ගල ප්‍රදේශයේ දීයි.

මොහු ඩුබායි හි සැඟව සිටින පාතාල කල්ලි නායකයෙකු වන රුවන් චින්තක හෙවත් හරක් කටාගේ මෙරට ජාවාරම් මෙහෙයවන ප්‍රධානතම අනුගාමිකයා බවයි පොලිසිය පවසන්නේ.

මිදිගම ලසා සතුව තිබූ අධි සුඛෝපභෝගී මෝටර් රථයක් ද පොලිස් භාරයට ගෙන ඇති අතර, ඔහුගේ වත්කම් පිළිබඳ ව වැඩිදුර පරීක්ෂණ මෙහෙයවීම සඳහා අපරාධ පරීක්ෂණ දෙපාර්තමේන්තුවේ මුදල් විශුද්ධිකරණ අංශය වෙත භාර දී ඇති බව සඳහන්.

මීට පෙර ද සන්ෂයින් සුද්දා ඝාතනය සම්බන්ධයෙන් ගනේෂ් නැමැත්තෙකු මාතර දී අත්අඩංගුවට ගනු ලැබුවා.