පළමු පාසල් වාරය හෙටින් අවසන්

රජයේ පාසල් හා රජයේ අනුමත පෞද්ගලික පාසල්වල 2022 වර්ෂයේ පළමු පාසල් වාරයේ පළමු වන අදියර අවසන් කිරීම සහ පළමු පාසල් වාරයේ දෙවන අදියර ආරම්භ කිරීම පිළිබඳව අධ්‍යාපන අමාත්‍යාංශය විසින් නිවේදනයක් නිකුත් කර තිබෙනවා.

ඒ අනුව 2021 වර්ෂයේ අධ්‍යයන පොදු සහතික පත්‍ර සාමාන්‍ය පෙළ විභාගය 2022 මැයි මස 23 වැනි දින සිට ආරම්භ වන බැවින් මෙම වර්ෂයේ රජයේ හා රජයේ අනුමත පෞද්ගලික පාසල්වල පළමු පාසල් වාරයේ පළමු වන අදියර මැයි මස 20 වැනි දිනෙන් (හෙට) අවසන් වන බවයි එම නිවේදනයේ දැක්වෙන්නේ.

එමෙන්ම එසේ අවසන් වන පළමු පාසල් වාරයේ දෙවැනි සමාසිකයේ අධ්‍යයන කටයුතු ජුනි මස 06 වැනි සඳුදා දිනයේ සිට යළිත් ආරම්භ වනු ඇති.

මේ අතර පාර්ලිමේන්තු මන්ත්‍රිනී ආචාර්‍ය හරිනි අමරසූරිය ට්විටර් පණිවිඩයක් නිකුත් කරමින් කියා සිටියේ " අ.පො.ස සාමාන්‍ය පෙළ විභාගය ලබන සතියේ පැවැත්වීමට නියමිත බවත්, ඉන්ධන අර්බුදය හමුවේ දෙමව්පියන් දරුවන් පාසල් යැවීමට වෙහෙසෙන බවත්, ඉන්ධන ලබා ගැනීම සඳහා මන්ත්‍රීවරුන්ට පමණක් විශේෂ වැඩපිළිවෙලක් ක්‍රියාත්මක කිරීම මෙවන් තත්ත්වයක් තුළ විශාල අපරාධයක් බවයි.