හෘදයාබාධයක් හේතුවෙන් මියගිය බව කියන කාන්තාවකට පණ එයි

කාන්තාවක් හෘදයාබාධයක් හේතුවෙන් රෝහලකට ඇතුළත් කර ඇති අතර පසුව ඇය මියගොස් ඇති බවට වෛද්‍යවරුන් තහවුරු කර තිබෙනවා.

අදාළ කාන්තාව වයස අවුරුදු 76ක් වන වයෝවෘද්ධ කාන්තාවක් බවයි වාර්තා වන්නේ.

ඒ අනුව ඇයගේ පුත්‍රයා විසින් ඇයගේ අවමංගල්‍ය කටයුතු සූදානම් කර භූමදානයට පෙර ඇඳුම් මාරුකිරීමට සූදානම් වන අවස්ථාවේ අදාළ කාන්තාව ගැඹුරින් හුස්ම හෙළන ශබ්දය ඇසී තිබෙනවා.

ඒ අනුව ඥාතීන් විසින් සිදු කළ පරීක්ෂාවේදී අදාළ කාන්තාව මියගොස් නොමැති බව අනාවරණය වී ඇති බවයි අප ප්‍රාදේශීය වාර්තාකරු සඳහන් කළේ.

මේ වන විට එම කාන්තාව කලින් ප්‍රතිකාර ලබා සිටි රෝහලේම දැඩි සත්කාර ඒකකයට ඇතුළත් කර තිබෙනවා.

එම සිදුවීම සම්බන්ධයෙන් විශේෂ පරීක්ෂණයක් ආරම්භ කිරීමට සෞඛ්‍ය බලධාරීන් කටයුතු ඇති බවද වාර්තා වනවා.