කුරුවිට සහ පල්ලන්සේන බන්ධනාගාරවල නොසන්සුන්කම පාලනය කෙරේ : ආරක්ෂාවට STF සහ ත්‍රිවිධ හමුදාවත් කැඳවයි

කුරුවිට බන්ධනාගාරය තුළ සහ පල්ලන්සේන එළිමහන් සිරකඳවුර තුළ අද (07) දින ඇති වූ රැඳවියන්ගේ නොසන්සුන්කාරී තත්ත්වය මේ වන විට සම්පූර්ණයෙන්ම පාලනය කර තිබෙනවා.

ඒ අනුව, බන්ධනාගාර නිලධාරීන්, ශ්‍රී ලංකා පොලීසිය සහ පොලිස් විශේෂ කාර්ය බලකා (STF) නිලධාරීන්ගේ සහයෝගය ඇතිව මෙම තත්ත්වය පාලනය කිරීමට සමත් වූ බවයි බන්ධනාගාර මාධ්‍ය ප්‍රකාශක ඒ.සී. ගජනායක නිවේදනය කරනු ලබන්නේ.

නොසන්සුන්කාරී තත්ත්වය පාලනය කිරීමෙන් අනතුරුව, එම බන්ධනාගාර පරිශ්‍රයන්හි ආරක්ෂාව තවදුරටත් තහවුරු කිරීම සඳහා, පොලීසිය, පොලිස් විශේෂ කාර්ය බලකාය සහ ත්‍රිවිධ හමුදාව යොදවා ආරක්ෂාව විශේෂයෙන් තර කිරීමටද පියවර ගෙන ඇති බවයි මාධ්‍ය ප්‍රකාශකවරයා වැඩිදුරටත් සඳහන් කරන්නේ.